دورة صنع علب الهدايا والتوزيعات

بداية لازم تتعرفون على الادوات المستخدمة في عمل الاعلب ,,


قلم رصاص – مسطرة لا تقل عن 15 سم – محاية – براية – فرجار - مقص – لاصق خاص بالخشب – اوراق A4 حاولوا انها تكون بين (( 150 – 250 جرام قوتها )) وبالنسبة لي انا بستخدم الورق السادة عسب الصور تكون واضحة ان شاء الله اما بالنسبة لكم مو مشكلة جربوا أي ورق متوفر عندكم ولو كان ورق الطباعة العادي - مسطرة خاصة بالاشكال الدائرية (( اكيد بعلمكم كيف تسوونها بس في الدروس الخاصة بها ان شاء الله )) – واقترح احضار ادوات هندسية كاملة افضل ..





وهاي هي صورة للادوات اللي استخدمها شاملة ان شاء الله ,,


&&&&&&&&&&&&&&&&&


الدرس الاول : (( تعلم صناعة العلب المربعة البسيطة / العلبة + الغطاء ))


هو ابسط شكل واللي عليه تبنى اشكال واااااااااايد بأحجام وديزاينات مختلفة متنوعة ,,






هذا شكل لباترون ممكن تطلعونه من النت ,,,


هذا باترون غطاء العلبة :




وهذا باترون العلبة نفسها .




اللي تقدرون تسوونه طبعا انكم تطبعونه وعقب تقصون عليه ,, بس المشكلة اللي راح تواجهكم انكم راح تكونون مقيدين بشكل واحد + قياس واحد ,,,


فعلشان جي الحين بحط لكم طريقة عمل الباترون لكل شكل وطبعا لكم كل الحرية انكم تغيرون القياسات اللي احطها بالشي اللي يناسبكم ..


@@@@@@@@@@@


فنبدأ بسم الله




اول شي نرسم مستقيم طوله 4سم




بعدين نكمل عليه مستقيم ثاني طوله بعد 4سم




ونرسم للمرة الثالثة مستقيم ثالث طوله بعد 4سم


لين ما يطلع عندنا في النهاية مستقيم طويل طوله 12 سم وعليه 4 نقاط مثلا ممكن نسمي النقاط هاي أ – ب – ج – د ( التسمية مب موجودة على المستقيم بس اتمنى انكم تقدرون تطبقونها بروحكم عليه )




من النقطة ب نرسم مستقيم بزاوية قائمة طوله 4سم لين النقطة هـ ونسمي المستقيم ب هـ


بعدين نرسم مستقيم يبدأ من النقطة هـ ويكون موازي للمستقيم ب ج طوله 4سم وينتهي في النقطة و ويسمى بالمستقيم هـ و


اخر شي نرسم مستقيم يبدأ من النقطة و ويكون موازي للمستقيم ب هـ وطوله 4سم ونسميه المستقيم وج


بهاي الطريقة نكون سوينا اول مربع في رسمة باترون الصندوق ,,


نكرر هالعملية مثل ما هو موضح في الصور الاتية :








وبهاي الطريقة نكون كلمنا تقريبا رسمة باترون الصندوق ,,




نرسم زيادة على أي مربعين متقابلين من الجهتين بهاي الطريقة لان هالمكان هو اللي راح يتم الصاقه بالمربعات الاخرى ويكون شكل الباترون النهائي بها الشكل :






@@@@@@@@@@@@@@@@@@@@@


^



^



^



يتبع باقي الدرس يرجى عدم الرد لحين الانتهاء من اكمال الدرس ...